SERAT WULANG SUNU

Karya : PakuBuwono IV

Pupuh I

a.       Wulang sunu kang kinarya gendhing, kang pinurwa tataning ngawula, suwita ing wong tuwane, poma padha mituhu, ing pitutur kang muni tulis, sapa kang tan nuruta saujareng tutur, tan urung kasurang-surang, donya ngakir tan urung manggih billahi, tembe matine nraka.

b.      Mapan sira mangke anglampahi, ing pitutur kang muni ing layang, pasti becik setemahe, bekti mring rama ibu duk purwa sira udani, karya becik lan ala, saking rama ibu, duk siro tasih jajabang, ibu iro kalangkung lara prihatin, rumeksa maring siro.  

c.       Nora eco dahar lawan ghuling, ibu niro rumekso ing siro, dahar sekul uyah bae, tan ketang wejah luntur, nyakot bathok dipunlampahi, saben ri mring bengawan, pilis singgul kalampahan, ibu niri rumekso duk siro alit, mulane den rumongso.

d.      Dhaharira mangke pahit getir, ibu niro rumekso ing sira, nora ketang turu samben, tan ketang komah uyuh gupak tinjo dipun lampahi, lamun sira wawratana, tinatur pinangku, cinowekan ibu nira, dipun dusi esok sore nganti resik, lamun luwe dinulang

e.       Duk sira ngumur sangang waresi, pasti siro yen bisa rumangkang, ibumu momong karsane, tan ketang gombal tepung, rumeksane duk sira alit, yen sira kirang pangan nora ketang nubruk, mengko sira wus diwasa, nora ana pamalesira, ngabekti tuhu sira niaya.  

f.        Lamun sira mangke anglampahi, nganiaya ing wong tuwanira, ingukum dening Hyang Manon, tembe yen lamun lampus, datan wurung pulang lan geni, yen wong durakeng rena, sanget siksanipun, mulane wewekas ingwang, aja wani dhateng ibu rama kaki, prentahe lakonano.

g.       Parandene mangke sira iki, yen den wulang dhateng ibu rama, sok balawanan ucape, sumahir bali mungkur, iya iku cegahen kaki, tan becik temahira, donya keratipun, tan wurung kasurang-kasurang, tembe mati sinatru dening Hyang widhi, siniksa ing Malekat.

h.       Yen wong anom ingkang anastiti, tan mangkana ing pamang gihira, den wulang ibu ramane, asilo anem ayun, wong tuwane kinaryo Gusti, lungo teko anembah iku budi luhung, serta bekti ing sukma, hiyo iku kang karyo pati lan urip, miwah sandhang lan pangan.

i.         Kang wus kaprah nonoman samangke, anggulang polah, malang sumirang, ngisisaken ing wisese, andadar polah dlurung, mutingkrang polah mutingkring, matengkus polah tingkrak, kantara raganipun, lampahe same lelewa, yen gununggungsarirane anjenthit, ngorekken wong kathah.

j.        Poma aja na nglakoni, ing sabarang polah ingkang salah tan wurung weleh polahe, kasuluh solahipun, tan kuwama solah kang silip, semune ingeseman ing sasaminipun, mulaneta awakingwang, poma aja na polah kang silip, samya brongta ing lampah.

k.      Lawan malih wekas ingsun kaki, kalamun sira andarbe karsa, aja sira tinggal bote, murwaten lan ragamu, lamun derajatiro alit, aja ambek kuwawa, lamun siro luhur, den prawira anggepiro, dipun sabar jatmiko alus ing budi, iku lampah utama.

l.         Pramilane nonoman puniki, dan teberi jagong lan wong tuwa, ingkang becik pituture, tan sira temahipun, apan bathin kalawan lahir, lahire tatakromo, bathine bekti mring tuhu, mula eta wekasing wong, sakathahe anak putu buyut mami, den samya brongta lampah.

 PUPUH II

a.       Lawan malih wekas mami, anak putu butut ingwang, miwah canggih wareng ingwang, poma padha estokna, ing pitutur kang arja, aja ana wong tukar padu, amungsuh lawan sudara.

b.      Dhahat ingsun tan nglilani, sujatma ahli dursila, cewengan lan sudarane, temahan tan manggeh arja lan tipis kang sarira, wong liyan kathah kan purun, mejanani mring sira

c.       Mokal sira tan miyarsa, kang kocap sujana kathah, gecul mgrumpul bandhol ngrompol, nanging aja kalirua, babasan kaya ika, den waskitheng surupipun, babasan kaya mangkana

d.      Dipun kumpul sira sami, aja gecul tekadira, dipun ngrompol ala bandhol, poma iku estokna, yen sira nedya arja, aja ma kawongan pocung, anom kumpul tuwo pisah

e.       Yen kayaa pocung ugi, salawsiro neng donya, dadi wong pidhangan bae, dudu watek wong sujana, salawasira neng donya, lamun sujalma kang surup, nom kumpul tuwa tan pisah

f.        Poma den astiti, pitutur ing layang iki, poma aja na maido, lamun sira maidoa, lan mara ayonana, dumeh tutur tanpa dhapur, tinarik tan manggih arja

g.       Yen sira karsa ngayeni, pitutur ing layang iki, anuli solahe age, mungsuhe lawan sudara, nuli pisaha wisma, samangsane sira luput, kalawan sujalma liyan

h.       Pasti sira den ayoni, den ira sujalma liyan, sadulur wis tega kabeh, sanajan silih kataha, kadhang mangsa belas, sajege sira tan atut, lawan sanak kadhangira

i.         Pan ana saloka maning, poma padha estokna, surasane, ujaring ngong, rusak sana den karesa, mangkana tuturing wang, wonten sima tukar padu, amungsuh kalawan wana

j.        Mangkana sang sima angling, heh wana sira kapurba, denira kuwasaning ngong, yen aja na kuwating wang, pasti sira binabat, denira sujalma agung, temah sira lebur sirna

k.      Kang wana nyahuri bengis, apa ta samono ugo, yen aja na kuwating ngong, amasti sira meneka, den risak jalma kathah, kiniter winaos lampuh, samana diya-diniya

l.         Sang sima lawan manadri, anulya talak tinalak, samya arengat manhe, samana sang sima kesah medal sing wana wasa, anjog wiring dhusun, anglela ing ara-ara

m.     Yata ganti kang winarni, wonten laren ngon maesa, saksana anulya anon, yen wonten sima punika, anglela ngara-ara, cangkelak anuli wangsul, apa jarwang tuwanira

n.       Kaget ingkang awawarti, anulya samya wawarta, ing prapat monca limane, pan samya nabuh gendhala, rame poman dedesan, suwanten lumyang gumuruh, pan samya sikep gegaman.

o.      Wusraket sikeping jurit, tumulyan sigra amedal wus prapteng jawi desane, wus prapto ing ingara-ara, sima sigra kinepung, kecandhak winaos sampun, yata ganti kawarnaha

p.      Kocapa ingkang wanadri, tet kala wahu tinilar, dhumateng sima lampahe, yata wonten kawarnaha, jalma samya kawawanan, arsa badhe karsanipun, ngupados babahing tegal.

q.      Wus prapta dhateng wanadri, kang wana nuli sinuksma, suwung tan ana simane, tumulya sigra binabat, dhening sujalma kathah, wus garing nulya tinunu, wana lebur sirna ilang

r.        Nuli tinanduran sami, pari kapas miwah jarak, kacang dhele lombok terong, wus ilang labething wana, genggeng ponang tanduran, lama-lama dadi dhukuh, wus ilang labething wana.

s.       Pan iku saloma mami, anak putu buyut ingwang, miwah canggah warenging ngong, puniku apan upama, tapa badan prayoga, lamun sira karem padu, amungsuh lawan sudara

t.        Benal ngammi wal ngamati, wa bena jho jhi wa jho jhit puniku nenggih tegese, kawasa tan kawasaa, wajib sira asiha, dhumateng sudara kakung, muwah sadulur wanodya

u.       Poma-poma wekas mami, anak putu buyut ingwang, aja katungkul uripe, aja lawas saya lawas, lawan den saya lawas, siyang dalu dipun imut, wong anom sedya utama.

RINGKASAN SERAT WULANG SUNU

PUPUH I

Serat wulang sunu kuwi digawe gendhing. Serat iki diwiwiti saka aturane wong ngawula yaiku bekti marang wong tuwa, tansah tumindak becik, lan ora mblejani janji. Sing sapa ora manut karo tuturing wong tuwa iku bakal disiya-siya ning donya lan ing akhir jaman bakal nemoni kacilakan banjur matine mlebu neraka. Nek kowe nglakoni apa sing katulis ing serat wulang sunu, mesthine becik ing salawase. Amarga serat iki ing wiwitane ngajari bekti marang wong tuwa, manut karo kabeh parentahing wong tuwa. Amarga dhek mbiyen kowe isih bayi, Rama-Ibu tansah ngreksa kowe nganti kelara-lara. Nganti ora doyan dhahar lan ora nate sare anggone Ibu ngreksa kowe. Direwangi turu karo nyambi momong kowe, direwangi dhahar mung karo uyah, sing penting kowe bisa mangan sarwa enak. Saben dina Ibumu ngreksa kowe nganti katula-tula. Direwangi ngombe jamu saben dina lan mangan mung sakanane. Pilis singgul uga dilakoni. Dadi kowe kudu ngrumangsani. Kabeh sing dilakokake Ibumu nalika kowe isih bayi iku mung kanggo kowe.

          Serat wulang sunu iki uga ngomongake nalikane kowe isih bayi, isih ngompol. Ibumu ora jijik anggone ngresiki kabeh regedanmu. Kabeh dilakoni sanajan gupak regedanmu. Ibumu ora peduli yen dheweke dadi reged, sing penting anakke bisa resik. Esuk sore Ibumu ora kesel anggone ngreksa kowe, anggone ngresiki regedanmu. Nalikane kowe nangis amarga ngeleh, Ibumu gage dulang kowe supaya kowe ora nangis maneh. Kabeh iku dilakoni kanthi telaten. Nalikane umurmu wis sangang wulan lan kowe wis bisa mbrangkak, Ibumu tansah njagani kowe, ora pedhot paningale anggone njaga anakke. Sanajan amung nganggo klambi sakanane, nganti suwek-suwek. Ibumu ora tau leren anggone njaga kowe. Nalika kowe kapingin mangan, Ibumu nggolek pangan tekan ngendi-endi nganti entuk. Ora liya supaya anakke bisa mangan. Mulakna mengko yen kowe wis dhiwasa, kowe kudu ngabekti marang wong tuwamu mligine Ibumu sing wis ngreksa kowe tanpa pamrih, nganti katula-tula.

          Aja sapisan-pisan kowe wani karo wong tuwamu. Gusti Allah bakal duka yen kowe duraka marang wong tuwamu. Kaya sing dikandhakake ing sawijining unen-unen murkane wong tuwamu, uga murkane Gusti Allah. Dadi yen kowe wani marang wong tuwamu, bakal diukum marang Gusti Allah kanthi siksa ing neraka. Mulakna, serat sing kinarya dening Paku Buwana IV iki menehi pesen menawa kowe aja nganti duraka marang wong tuwamu, lakonana kabeh parentahe. Aja nganti kowe malah nylamur nalika lagi dikandhani dening wong tuwamu. Kuwi bisa ndadekake awakmu kuwalat. Kabeh ngamalmu bakal muspra, amarga Gusti Allah bakal duka. Matimu bakal mlebu neraka lan disiksa dening para malaikat.

          Bocah sing apik iku nalikane dikandhani karo wong tuwa tansah nggatekake lan manut. Anggone manut kaya manut marang Gustine. Saben dina tansah sujud lan nora tumindak kurang ajar marang kekarone. Sarta tansah sujud marang Gusti Allah kang Murbeng Dumadi lan sing menehi rejeki. Tumindak kang mangkono kuwi tumindak sing luhur. Nanging nyatane, bocah enom jaman saiki tansah tumindak sakgeleme dhewe. Tumindak sing ora sopan lan polah sing ora becik. Tansah adigang, adigung, adiguna. Ora bisa ngendhalikake nepsune. Uga tumindak sing gawe laraning liyan.

          Elinga, aja nganti kowe tumindak sing salah kaya mangkono. Kabeh iku bakale becik ketitik ala ketara. Kabeh tumindak ala bakal kena piwales ala malah luwih lara. Kowe ora bakal kuwat anggone nampa piwalese. Kabeh wong mung semu anggone apikan karo awakmu. Ing mburimu, wong-wong padha ngece marang kowe. Mulakna, aja kok lakoni tumindak salah kuwi mau supaya uripmu ora nadhang kasusahan.

          Lumantar serat wulang sunu iki, Paku Buwana IV menehi piwulang maneh yen kowe duwe pepinginan utawa gegayuhan kuwi aja ngoyo. Kudu tetep mikirake kesehatan lan keslametan. Nanging uga aja nglokro yen awakmu mung balung cilik. Amarga yen kowe gelem usaha, Gusti Allah kuwi ora sare. Lan yen mengko kabeh gegayuhanmu wis katekan, dadia wong sing andhap asor lan tetepa dadi wong sing alus lan sabar. Kaya ngono kuwi tumindak sing utama. Pramila kowe kabeh kudu manut karo parentahing wong tuwa sing becik. Sing lair kayata tata krama dene sing batin yaiku bekti marang kekarone. Iku kabeh pitutur saka Paku Buwana IV supaya uripmu ora nandhang kasusahan.

PUPUH II

Ana maneh pituture Paku Buwana IV marang anak, putu, cicit, uga wareng supaya nggatekake pituduh nuju kaslametan. Aja padha padu lan jothakan marang sedulure. Panjenengane uga ora lila karo wong sing senengane adu kekuwatan marang sedulure. Wong sing kaya mangkono ora bakal nemoni kaslametan. Kosok baline, wong sing seneng nulungi marang sasama bakal akeh wong sing seneng marang dheweke. Tangeh menawa kowe bisa urip karo wong-wong sing ora seneng marang awakmu lan akeh nyacad kowe, pramila anggonmu kekancan kuwi kudu bisa milih-milih, tegese miliha pakumpulanne wong-wong becik. Amarga yen kowe kumpul karo wong sing ala bakal melu ala. Pikirna uga kepiye sok tembe mburine. Anggonmu urip bebrayan aja dinggo tumindak ala. Pikirna bab kuwi uga yen kowe pingin slamet. Aja kowe tumindak kaya pocung, enom bareng nanging nalika wis tuwa malah pisah. Yen tumindakmu kaya mangkono, uripmu ning donya bakale mung kanggo olok-olokaning liyan. Amarga kuwi dudu watek sing apik. Menawa wong sing luhur nalika kekancan iku selawase. Enom urip bebrayan nganti besuk tuwa uga tetep bebarengan. Kabehpituduh mau kudu mbok gatekna kanthi temenan. Aja nganti wani mbantah karo pituduh iku. Aja mbok kira pituduh iki tanpa dhasar lan ora duwe paedah. Yen kowe ora padha percaya karo kabeh pitutur iku, mangga dibuktekna. Jajal kowe tumindak ala kaya mangkono. Jajalen kowe mugsuh marang sanak kadangmu. Mesthi kowe bakal disiya-siya dening sanak kadangmu. Ora bakal ditulungi nalika kowe kasusahan lan selawase kowe ora bakal dipercaya maneh.

Ana sawijining saloka maneh, babagan macan sing tukaran karo wana. Ceritane kaya mangkene, macan sajake sombong, dumeh dheweke sing mbaureksa wana. Menawa wana kuwi ora ana sing njaga, mesthi wae bakal entek kababat dening manungsa. Kaya mangkono pikirane si macan. Wana ora gelem kalah, dheweke uga ngendel-endelake kekuwatane. Pikirane si wana, menawa macan ora dilindungi dening rungkute wana, wis mesthi bakal mati katembak pemburu. Macan karo wana banjur padha kerah, ora ana sing gelem ngalah. Banjur saking mangkele, macan metu saka wana lan mlebu ndesa. Macan kuwi banjur turon ing lapangan. Ing kana ana bocah lagi angon kebo, kaya nagap kagete nalika weruh ana macan turonan ing kono. Bocah kuwi nuli mulih, kandha marang wong tuwane. Kabeh wong diwenehi ngerti. Saiki desa dadi rame banget, ing saben prapatan wong-wong padha nabuh kenthongan, ning ngendi-endi keprungu swara jerat-jerit. Wong desa padha nyekel gaman, banjur ngepung macan mau, sanalika macan banjur kacandhak. Dene wana sing ditinggal marang macan mau, kahanane sansaya rusak. Wana kuwi konangan kosong ora ana sing mbaureksa, banjur dipapras nganti entek dening manungsa. Wana kuwi banjur gundhul lan gersang. Nuli ing kana ditanduri kapas, jarak, dele, lan terong. Wana kuwi wis dadi padesan lan ora ana tilase maneh. Kaya mangkono yen sedulur padha congkrah. Cerita macan lan wana kuwi dadi bebasan kang nggambarake sedulur sing ora rukun. Pramila iku kowe kabeh kudu tansah gemati marang sedulurmu lanang utawa wadon. Kabeh iku uga wis dadi parentahing Gusti Sing Maha Murah. Paku Buwana IV uga ngandhani menawa anggonmu urip kudu tetep waspada, aja lena karo urip sing sarwa kepenak. Aja lali karo niatmu sing utama.

ULASAN SERAT WULANG SUNU

Paku Buwana IV pada masanya sebenarnya sangat menekankan menyembah pada Allah. Hal tersebut menjadi ajaran pokok Paku Buwana IV yang dituangkannya melalui karya sastra, salah satunya melalui serat wulang sunu ini. Karya sastra dianggap bisa menjembatani Paku Buwana IV dalam memberikan wejangan kepada para cucu cicitnya. Agar rakyatnya memiliki pegangan hidup untuk menjalani kehidupan sehari-hari dalam mencari ilmu, berbakti kepada orang tua, dan hidup dengan sesama. Sehingga tercipta kehidupan yang damai, tentram, dan sejahtera khususnya di Kasunanan Surakarta.

Serat wulang sunu karya Paku Buwana IV ini mengajarkan tentang nasehat-nasehat yang luhur. Pada pupuh I beliau memberikan nasehat tentang bagaimana cara berbakti pada orang tua khususnya Ibu. Banyak manfaat yang dapat dipetik setelah membaca serat ini. Karena serat ini begitu sarat akan pitutur-pitutur yang baik. Bagaimana serat ini mengajarkan kita untuk berbakti dengan kedua orang tua yang telah menyerahkan jiwa raganya pada kita. Bagaimana serat ini menceritakan deretan kebaikan-kebaikan orang tua kita khususnya Ibu dalam merawat kita sewaktu kita masih kecil. Semua itu menyadarkan kita akan makna berbakti itu sendiri. Sehingga hati kita tergugah dan mulai menyadari betapa luar biasanya orang tua kita, dan hendaknya kita berbakti pada keduanya.

Dengan bahasa-bahasa rinengga, serat ini mengajak kita untuk melihat masa kecil kita yang selalu merepotkan orang tua, namun mereka tak pernah pamrih dalam merawat kita. Maka dari itu Tuhan akan sangat marah apabila kita durhaka pada keduanya. Dalam serat ini juga dikatakan bahwa siksa bagi manusia yang durhaka kepada orang tuanya amatlah pedih. Hal tersebut bisa menjadi nasehat untuk para pemuda dan pemudi pada masa kini.

Dewasa ini, menghormati orang tua mungkin menjadi hal yang kurang diperhatikan para pemuda dan pemudi kita. Terkadang, keakraban mereka dengan para orang tua membuat mereka keladuk dan lupa bahwa sesungguhnya ada batasan-batasan tersendiri antara hubungan kita dengan orang tua. Apabila dibandingkan dengan zaman kakek-nenek kita tentu akan sangat berlawanan dengan keadaan sekarang. Kita sering menemui seorang anak yang tidak patuh terhadap orang tuanya karena mungkin mereka merasa lebih pandai dari orang tuanya atau merasa lebih tinggi derajatnya. Berbeda dengan zaman dahulu, seorang anak selalu menurut dengan semua perintah orang tuanya. Karena mereka percaya bahwa membantah nasehat dan perintah orang tua bisa menjadikan mereka kuwalat.Maka serat wulang sunu ini dimaksudkan untuk menyadarkan kita sebagai anak untuk senantiasa berbakti pada orang tua.

Pada pupuh ke 2 Paku Buwana IV mengajarkan kepada kita untuk berlaku rukun kepada saudara-saudara kita. Beliau mengumpamakan saudara yang sering bertengkar dengan cerita harimau dan hutan yang akhirnya musnah. Dengan seloka itu, pembaca akan lebih memahami ajaran dari sang Paku Buwana. Karena cerita dianggap memiliki estetika yang mampu menyedot perhatian pembaca.

Banyak manfaat yang didapatkan dari serat ini, diantaranya serat ini menyadarkan kita untuk senantiasa rukun dengan sesama manusia khususnya saudara kita, memberikan kita pengajaran tentang tata cara berbakti kepada orang tua, dll. Dengan begitu akan tercipta kehidupan yang tentram dan damai karena semua orang saling menghargai.