Dwiwarna mblarak sempal
Ing antarane ewon kawula sing nembe alok menang
Kairing lelagon perjuwangan lan sumiliring Indonesia Raya
Ngadeg gagah ing pucuking mega
Abang putih ing plataran pengangsaan
Nyekseni sewu dian sing kobong geni perjuwangan
Ngobahake sikil-sikil jumangkah mangarep
Ngranggeh pepedhang sing wingi kasirep
Abang putih sing gumantung ing gendera
Sasmita tekading para mudha
Putih kaya kukuhing balung sing tan bisa sempal
Abang kaya
sumuntaking ludira sing wis dadi tumbal
Soekarno-Hatta dikepung para mudha siyap mardika
Siyaga mbrakot bengising walanda
Nrajang madyaning paprangan
Nyruduk para tandhingan
Semarang, 02 Juni 2013
Tidak ada komentar:
Posting Komentar